អ្នកមិនឯកា

2 មតិ

បទ​នេះ​ខ្ញុំ​តែង​​​ជា​ពិសេស​សម្រាប់​ក្មេង​រង​គ្រោះ​នៅ​អង្គការ​ Afesip កម្ពុជា តែ​ក៏​សម្រាប់​មនុស្ស​គ្រប់​គ្នា​ដែល​កំពុង​អស់​សង្ឃឹម។ បាន​តែង​ចម្រៀង​អត្ថន័យ​បែប​នេះ ខ្ញុំ​រំភើប​ណាស់។ កាល​ណោះ​គឺ​ជិត​ដល់​ថ្ងៃ​ប្រគុំ​តន្រ្តី​ ហង្សមាស Top Music 2010 ទៅ​ហើយ ទើប​ខ្ញុំ​ដឹង​ថា​ត្រូវ​សរសេរ​បទ​ចម្រៀង​មួយ​បទ ដើម្បី​លើក​ទឹក​ចិត្ត​​ដល់​កុមារ​រង​គ្រោះ​ទាំង​ឡាយ។ វា​ប្រថុចញ៉ុច​បន្តិច តែ​វា​ជា​អត្ថន័យ​ដែល​ខ្ញុំ​ប៉ង​សរសេរ។ ខ្ញុំ​ចំណាយ​ពេល​មួយ​ថ្ងៃ​គិតនិង​ព្រៀង​ពាក្យ​ពេចន៍ ហើយ​​នៅ​ទី​បំផុត​ក៏​រក​បាន​ចំណង​ជើង​ថា «អ្នកមិនឯកា»។

…ពេល​មួយ​នោះ ខ្ញុំ​កើត​ទុក្ខ​ខ្លាំង​ណាស់ ហើយ​ក៏​នឹក​ឃើញ​ចម្រៀង​នេះ រួច​ក៏​ធ្វើ​ឱ្យ​ចិត្ត​ខ្ញុំ​បាន​ធូរ​ស្រាល​។ ខ្ញុំ​តែង​និពន្ធ​ដើម្បី​បង្ហាញ​អារម្មណ៍​ខ្លួន​ឯង និង​បំពេញ​អារម្មណ៍​ខ្លួន​ឯង។ «អ្នក​មិន​ឯកា» ពេល​​កើត​ទុក្ខ ខ្ញុំ​សង្ឃឹម​ថា​មាន​មនុស្ស​ម្នាក់​និយាយ​ប្រាប់​ខ្ញុំ​ថា ខ្ញុំមិន​ឯកា ខ្ញុំ​មាន​មនុស្ស​ជា​ច្រើន​នៅ​ក្បែរ​ខ្លួន។​ អ្វី​ដែល​ខ្ញុំ​ស្រម៉ៃ​ចង់​បាន ខ្ញុំ​ក៏​បាន​សរសេរ​ក្នុង​បទ​ចម្រៀង​នេះ។

Advertisements

ពេលវេលា

2 មតិ

ពេលវេលាបណ្ដាលឱ្យយើងជួបគ្នា ហើយពេលវេលាបណ្ដាលឱ្យយើងស្រលាញ់គ្នា ប៉ុន្តែពេលវេលាដែលយើងនៅក្បែរគ្នាមានកំណត់…

មនុស្សតែងតែនិយាយពី«ពេលវេលា» ហើយខ្ញុំ​ក៏​បាន​យកពាក្យនេះ​​មក​ធ្វើ​ជា​ប្រធាន​បទ​សរសេរ​ចម្រៀង។

បេះដូងខ្មែរ

32 មតិ

សួស្ដី​! នេះ​គឺ​ជា​បទ​ចម្រៀង​មួយ​បទ ដែល​និពន្ធ​បទ​ភ្លេង​ដោយ លោក ម៉ម សុគន្ធា និង​និពន្ធ​ទំនុក​ច្រៀង​ដោយ​ខ្ញុំ។ ចម្រៀង​ខ្មែរ​សម័យ​នេះ មិន​មែន​សុទ្ធ​តែ​ចម្លង​គេ​ទេ ហើយ​អត្ថន័យ​ក៏​មិន​មែន​សុទ្ធ​តែ​​​និយាយពី​​រឿង​ស្នេហា​អូន​បង​ដែរ។ ខ្ញុំ​និយាយ​បែប​នេះ ព្រោះ​ខ្ញុំ​តែង​ឮ​បង​ប្អូន​មួយ​ចំនួន​និយាយ​រិះ​គន់​ដៀល​សិល្បៈ​ខ្មែរ​បច្ចុប្បន្ន​ពេក ហើយ​ខ្ញុំ​ចង់​ប្រាប់​ថា បើ​យើង​ព្យាយាម​យល់​ និង​វិភាគ​ពី​បញ្ហា​នេះ យើង​នឹង​ដឹង​ថា ម៉េច​បាន​អ៊ីចឹង ហើយ​យើង​ក៏​​ប្រហែល​ជា​លែង​និយាយ​អ្វី​ឱ្យ​អ្នក​សិល្បៈ​ខូច​ចិត្ត​ទៀត​ដែរ។

កវី​លាក់ស្នេហ៍

3 មតិ

ស្ងាត់​ណាស់! ស្ងាត់​ខ្លាំង​មែន​ទែន! 😀 កុំ​ឱ្យស្ងាត់​ពេក ក៏​​យក​ចម្រៀង​មក​ដាក់​ឱ្យ​ស្ដាប់​ទៅ! បទ​នេះ​មិន​មែន​ជា​បទ​ថ្មី​អ្វី​ឡើយ។ ហេតុ​ដែល​យក​មក​ដាក់​ព្រោះ​ជា​បទ​ស្នេហា​កវី ^^* ជា​បទ​ដែល​កវី​រាល់​រូប​គួរ​ស្ដាប់ ហេហេ!

គ្រប់ពេលវេលាបងស្រលាញ់អូន

6 មតិ

កុំ​ឱ្យ​ស្ងាត់​ពេក ដាក់​ខារ៉ាអូខេ​ចេញ​ថ្មី​មួយ​សិន! 😀

បទ​នេះ​និពន្ធ​ភ្លេង​ដោយ​ខ្មែរ និពន្ធ​អត្ថបទ​ដោយ​ខ្មែរ ច្រៀង​ដោយ​ខ្មែរ ដឹកនាំសម្ដែង​ក៏​ដោយ​ខ្មែរ​ដែរ 🙂

ព្រោះ​យើង​ជា​មិត្ត

19 មតិ

វាជារឿងអស្ចារ្យណាស់ នៅពេល​មនុស្សពីរនាក់​ដែល​មិន​មែន​ជា​សាច់ញាតិ​នឹង​គ្នា​សោះ អាច​ស្រលាញ់​រាប់អាន​គ្នា នឹកគ្នា គិតគ្នាបែបនេះ…

ប៉ុន្តែ​ហេតុ​អ្វី​ក៏​មិត្ត​ភក្តិ​ដែល​ធ្លាប់​តែ​ស្រលាញ់​​រាប់​អាន​គ្នា​ខ្លះ ​អាចក្លាយ​ជា​​ស្អប់​គ្នា​វិញ? បើ​ជា​មិត្ត​ភាព​ពិត ខ្ញុំ​គិត​ថា​អ្វី​ក៏​អាច​អត់​ឱន​ឱ្យ​គ្នា​ដែរ ព្រោះ​​ទំនាស់​​ខ្លះ​គ្រាន់​តែ​ជា​ការយល់​ច្រឡំ​ប៉ុណ្ណោះ ​បើ​អ្នក​អត់​ឱន​ឱ្យ​មិត្ត​ល្អ​របស់​អ្នក​មិន​បាន​ វា​ជា​រឿង​សោកស្ដាយ​បំផុត…

សូម​ឱ្យ​មិត្ត​ភាព​របស់​អ្នក​ស្ថិត​ស្ថេរ​ជា​រៀង​រហូត… សង្ឃឹម​ថា ​ចម្រៀង​មួយ​បទ​នេះ​ធ្វើ​ឱ្យ​អ្នក​នឹក​ដល់​មិត្ត​ល្អ​របស់​អ្នក!

វេលារសាត់ទៅ ពួកយើង​ក៏​ឃ្លាត​គ្នា អ្នកជាមនុស្ស​ស្និទ្ធស្នាល ជាទីប្រឹក្សាខ្ញុំ ជួនកាលពេលស្ដាប់ចម្រៀង ធ្វើឱ្យខ្ញុំយំ ព្រោះខ្ញុំនឹកមិត្ត…

ព្រោះខ្ញុំនឹកមិត្ត

ទោះបីជានៅទីណា សង្ឃឹមអ្នកបានសុខ អ្នកគឺជាមនុស្សសំខាន់ ជាផ្នែកនៃជីវិត ម៉ោងពេលពួកយើងខុសគ្នា ប៉ុន្តែនៅដូចដួងចិត្ត ព្រោះខ្ញុំគិតមិត្ត…

ព្រោះខ្ញុំគិតមិត្ត

ដង្ហើមខ្ញុំគិតដល់អ្នក អ្នកជាកម្លាំងចិត្ត ធ្លាប់ប្រាប់ខ្ញុំឱ្យសម្លឹងពិភពលោក ឱ្យសង្ឃឹមដូចពន្លឺព្រះអាទិត្យលើមេឃា

ពិភពលោកមានព្យុះភ្លៀង ស្ដាប់ចម្រៀងលាងដួងចិត្ត កុំចុះចាញ់វាសនា​ គ្រប់ពេលវេលាអ្នកគឺជាមិត្តល្អរបស់ខ្ញុំ

នៅតែមានរូបអ្នកនៅក្បែរ នៅតែនឹកបារម្ភពីអ្នក សូមអ្នកថែរក្សាខ្លួនឯងកុំឱ្យឈឺជំនួសខ្ញុំ ដែលមិនអាចថែអ្នក បើសិនមិត្តមានបញ្ហាអ្វីសូមចិត្តកុំលាក់ ត្រូវដឹងថានៅមានមិត្តម្នាក់ចាំជួយដោះស្រាយ

នៅតែមានរូបអ្នកនៅក្បែរ នៅតែអាចញញឹមព្រោះអ្នក មិត្តយល់ចិត្តទោះមានតែម្នាក់ តែអាចប្រាប់រឿងក្នុងចិត្តឱ្យរសាយ អ្នកស្គាល់ខ្ញុំជាងខ្ញុំខ្លួនឯងទោះបីឃ្លាតឆ្ងាយ អរគុណអ្នកតែងតែជឿជាក់មិនធ្លាប់ជិនណាយ

ព្រោះយើងជាមិត្ត

 

ព្រោះយើងជាមិត្ត (CD RHM Vol.407)

អត្ថបទចម្រៀងៈ សុខ ចាន់ផល

សម្រួលតន្ដ្រីៈ ម៉ម សុគន្ធា

ច្រៀងដោយៈ ណុប បាយ៉ារិទ្ធ & ឆន សុវណ្ណរាជ

“ឈាម​ពេជ្រ”

5 មតិ

រីករាយ​ជាមួយ​នឹង​បទ​ចម្រៀង​​ថ្មី​ពី ឆន​ សុវណ្ណរាជ «ឈាម​ពេជ្រ»។

បទ​នេះ​និពន្ធ​ទំនុក​ច្រៀង​ដោយ​លោក សុខ ចាន់ផល

ឈាម​ពេជ្រ ដោយ ឆន សុវណ្ណរាជ

និពន្ធ​ដោយ សុខ ចាន់ផល


គយ​គន់​ដួង​ខែ នឹក​ស្រែ​នឹក​ស្រុក​កំណើត យប់​ដប់​ប្រាំ​កើត

សង្វេគ​គិត​ដល់​មាតា ក្រោម​មេឃ​តែ​មួយ កូន​ព្រួយ​ខ្លាច​ម៉ែ​ឯកា

ម៉ែ​នឿយ​យ៉ាង​ណា ស្រី​ង៉ា​ប្អូន​ថែ​ម៉ែ​ទេ?

សំបុក​ឥត​បា លោកា​កូន​មាន​តែ​ម៉ែ ម៉ែ​គឺ​ដួង​ខែ

រះ​ក្បែរ​រូប​កូន​ទាំង​ទ្វេ ផ្ទះ​ខ្ទម​កម្សត់​ កត់​បទ​ម៉ែ​ច្រៀង​បំពេ

ម៉ែ​លក់​ស្រែ​កេរ ឱ្យ​កូន​បន្ត​សិក្សា។

(បន្ទរ ១) វិថី​វែង​ឆ្ងាយ ឈាម​ម្ដាយ​ក្លាយ​ជា​ទឹក​ប៊ិក

ញើស​ម៉ែ​ដូច​ពេជ្រ រំលេច​ក្រង​ខ្សែ​វាសនា ទោះ​ព្យុះ​បោក​ខ្លាំង

ម៉ែ​បាំង​ប្រឆាំង​ទេវតា ម៉ែ​ប្រាប់​កូន​ថា កូន​ប្រុស​សម្លឹង​ឱ្យ​ឆ្ងាយ។

សកល​វិទ្យាល័យ និស្ស័យ​និស្សិត​នៅ​វត្ត មើល​ខ្លួន​ចិត្ត​ឃាត់

ឃុំ​ឃាំង​បេះដូង​ក្នុង​កាយ តស៊ូ​ប្រាំ​ឆ្នាំ ចង​ចាំ​បណ្ដាំ​អ្នក​ម្ដាយ

បរិញ្ញា​នៅ​ឆ្ងាយ ខ្ញុំ​ត្រូវ​ខ្វល់ខ្វាយ​សិក្សា។

(បន្ទរ ២) វិថី​វែង​ឆ្ងាយ ឈាម​ម្ដាយ​ក្លាយ​ជា​ទឹក​ប៊ិក

ញើស​ម៉ែ​ដូច​ពេជ្រ រំលេច​ក្រង​ខ្សែ​វាសនា ទោះ​ព្យុះ​បោក​ខ្លាំង

ម៉ែ​បាំង​ប្រឆាំង​ទេវតា កូន​តាំង​ចិត្ត​ថា យក​បរិញ្ញា​ជូន​ម៉ែ។

ឱ! ក្ដី​បំណង ម៉ែ​ប៉ង​ក្លាយ​ជា​ការ​ពិត រនោច​ជីវិត ផ្លាស់​ខ្នើត​ព្រោះ​មាន​ព្រះ​ខែ

កូន​ក្លាយ​ជា​គ្រូ កូន​វិល​ទៅ​ភូមិ​ជួប​ម៉ែ វិល​ជា​មួយ​ស្នេហ៍ ដែល​កូន​ថែ​ចិត្ត​ជា​យូរ

ទៅ​អភិវឌ្ឍ វិស័យ​អប់រំ​ស្រុក​ស្រែ វិល​ជា​មួយ​ស្នេហ៍ ទៅ​ថែ​អ្នកម៉ែ​មាន​គុណ..