តំណែងស្នេហ៍រាជិនី ខែ វិច្ឆិកា 7, 2009
Posted by រចនា in រឿងខ្លី.trackback
សេចក្តីស្រឡាញ់ជាអ្វី?(១) ជាស្នេហាឬ? ជាការលះបង់? លះបង់អ្វី? ពេលវេលា និងអាយុជីវិត?… ជួនកាលយើងស្រឡាញ់គេ តែគេមិនស្រឡាញ់យើងវិញ មានពេលខ្លះគេស្រឡាញ់យើង ប៉ុន្តែយើងពុំស្រឡាញ់គេវិញក៏មាន។ សេចក្តីស្រឡាញ់គឺចង់ឱ្យមនុស្សដែលយើងស្រឡាញ់ទទួលបាននូវសេចក្តីសុខ ទោះបីជាគេមានក្តីសុខជាមួយបុគ្គលទី៣ ក៏យើងនៅតែស្រឡាញ់គេដែរ… បើយើងស្រឡាញ់គេពពិតប្រាកដមែន យើងគ្មានសិទ្ធិបៀតបៀនគេថែមទៀត… បើមិនដូច្នេះមានន័យថាយើងពុំស្រឡាញ់គេពិតនោះទេ។ គ្រប់អ្វីទាំងអស់របស់មនុស្សដែលយើងស្រឡាញ់ គឺជាទីស្រឡាញ់របស់យើង។ អំពើល្អរបស់គេគួរឱ្យសរសើរ គោរពស្រឡាញ់ ឯអំពីអាក្រក់របស់គេនោះគឺគួរឱ្យអាណិតអាសូរ និងចង់ជួយកែប្រែ។ យើងស្រឡាញ់នរណាម្នាក់មិនសង្ឃឹមរំពឹងថាចង់បានអ្វីពីគេមកវិញ ឬចង់ផ្តល់អ្វីឱ្យគេនោះក៏ទេដែរ គឺចង់មានន័យថាបន្ទាប់ពីយើងទាំងពីរជួបជុំគ្នា អ្វីៗត្រូវបានផ្លាស់ប្តូរ ចំណុចទន់ខ្សោយខ្វះខាត នឹងត្រូវបានកែប្រែនិងបំពេញឱ្យបានល្អប្រសើរឡើង។ ជីវិតរបស់អ្នករស់នៅមិនយូរប៉ុន្មានទេ ចូរស្រឡាញ់មនុស្សដែលស្រឡាញ់អ្នក។ សូមចងចាំថា ជីវិតរបស់អ្នកមិនប៉ុន្មានយូរនោះទេ តើអ្នកមានពេលវេលាឯណាទៅស្រឡាញ់មនុស្សដែលមិនស្រឡាញ់អ្នកនោះ?…
និយា… អូហ៍ សរសេរត្រូវ រចនា!
ស្រលាញ់អ្នកដែលស្រលាញ់យើង ហើយស្រលាញ់អ្នកដែលយើងស្រលាញ់ទៀត… កុំស្អប់អ្នកណាឱ្យសោះ ព្រោះស្អប់គេពិបាកចិត្តណាស់! ជីវិតពេញប្រៀបដោយក្តីស្រលាញ់ រស់នៅដោយរីករាយ ជីវិតមានន័យ ពាក្យស្លោកថ្មីពីខ្ញុំ។
“ រស់នៅដោយរីករាយ ជីវិតមានន័យ ពាក្យស្លោកថ្មីពីខ្ញុំ។” ស្តាប់ទៅដូចពាក្យស្លោកចិនចឹង ហេហេ។
ពេលពិបាកចិត្ត ដល់ខំញញឹមទៅ អាចធូរចិត្តខ្លះដែរ។
ខ្ញុំខានបានចូលក្នុងប្លករបស់ក្រុមក្នួយជាយុវអ្នកនិពន្ឋ ឬអ្នកនិពន្ឋវ័យក្មេង យូរខែហើយព្រោះខ្ញុំរវល់ពេក និងមានបញ្ហាសុខភាពបន្តិចបន្តួចផង។
ប៉ុន្តែ ខ្ញុំតែងតែគិតឥតភ្លេចដល់ក្មួយៗទាំងអស់ និងកោតសរសើរជានិច្ច ដែលស្រឡាញ់អក្សរសាស្ត្រដូចជាខ្ញុំដែរ និងខំសរសេរយ៉ាងស្វិតស្វាញដើម្បីបុព្វហេតុនេះ។ ក្មួយៗទាំងអស់ ទាំងអ្នកដែលខ្ញុំស្គាល់ដូចជា ៖ ក្មួយ អាចម៍ផ្កាយ ចាន់ផល និងហេង ឧត្តមដែលទើបបានស្គាល់ ពិតជាបានធ្វើឲ្យខ្ញុំមានមោទនភាពណាស់។
សូមជោគជ័យ និងកិត្តិនាមល្បីល្បាញចូលមានដល់ក្មួយៗជានិច្ចណា។
ពីប្រទេសបារាំង នៅថ្ងៃទី២១វិច្ឆិកា២០០៩
ជម្រាបសួរអ្នកមីង! ខ្ញុំរំភើបណាស់ដែលអ្នកមីងអញ្ជើញចូលប្លករបស់ពួកខ្ញុំ ហើយក៏សោកស្ដាយព្រោះឮថា អ្នកមីងមានបញ្ហាសុខភាព តែក្មួយជឿថាអ្នកមីងពេលនេះមានសុខភាពល្អវិញហើយ។ សូមអរគុណ ដែលអ្នកមីងតែងតែគិតពីសុខទុក្ខរបស់ក្រុមពួកខ្ញុំ ដែលធ្វើឱ្យពួកខ្ញុំកាន់តែមានចិត្តតស៊ូ មិនរារែក ក្នុងវិជ្ជាតែងនិពន្ធនេះ។ ពីប្រទេសខ្មែរ មាតុភូមិរបស់យើង ពួកខ្ញុំសូមជូនពរអ្នកមីងមានសុខភាពល្អ និងជួបតែសុភមង្គលក្នុងក្រុមគ្រួសារ។