សំបុត្រសម្រាប់មិត្តអ្នកនិពន្ធ ខែ មករា 23, 2009
Posted by រចនា in ដំណឹងផ្សេងៗ.trackback
សំបុត្របញ្ជាក់ពីទឹកចិត្តខ្ញុំចំពោះមិត្តអ្នកនិពន្ធ
តើមិត្តដឹងទេថានៅពេលខ្ញុំអានសៀវភៅ “កំណត់ហេតុស្នេហ៍” អំពី “Message លាក់ស្នេហ៍” ដែលនិពន្ធដោយមិត្តរួមថ្នាក់ដ៏ពិសេសរបស់ខ្ញុំ ធ្វើឱ្យខ្ញុំចាប់អារម្មណ៍ជាខ្លាំង ជាពិសេសនៅត្រង់ចំណុចថា “បើអូនជាផ្កាយ បងក៏សូមក្លាយជាមេឃហើយនឹងការពារផ្កាយមួយដួងនេះរហូតទៅ” ខ្ញុំពិតជាពេញចិត្តចំពោះប្រយោគនេះខ្លាំងណាស់។
ហើយជាពិសេសជាងនេះទៅទៀត គឺត្រង់ចំណុចដែលមិត្តនិយាយនៅខាងក្រោយសៀវភៅថា “រាល់ពេលដែលខ្ញុំមិនសប្បាយចិត្ត ខ្ញុំតែងតែចង់បានស្លាបមួយគូ។ បើខ្ញុំមានស្លាប ខ្ញុំនឹងអាចហោះហើរតាមចិត្តប៉ងដោយមិនចាំបាច់ទទួលទុក្ខធ្ងន់ៗនៅចំពោះមុខ។ បើខ្ញុំមានស្លាប ខ្ញុំនឹងអាចហោះទៅស្វែងរកពិភពមួយដែលពោរពេញទៅដោយសេចក្ដីស្រឡាញ់ និងការអត់ឱន។” តើមិត្តដឹងទេ ចិត្តរបស់មិត្តគឺដូចជាចិត្តរបស់ខ្ញុំបេះបិទ ហើយអ្នកដឹងទេ គ្រប់ពេលដែលខ្ញុំពិបាកចិត្ត ខ្ញុំតែងតែឡើងលើដំបូលផ្ទះ ដើម្បីបណ្ដែតអារម្មណ៍ឱ្យវាហោះហើរទៅកាន់ពិភពដែលខ្ញុំចង់ទៅ។ តែខ្ញុំក៏គិតផងដែរថា ការធ្វើនេះវាគ្រាន់តែកុហកខ្លួនឯងតែប៉ុណ្ណោះ។
ចុងបញ្ចប់ ខ្ញុំសូមជូនពរមិត្តឱ្យនិពន្ធរឿងឱ្យបានកាន់តែច្រើនហើយខ្ញុំសូមជូនពរឱ្យមិត្តជួបតែសំណាងល្អ សុខភាពល្អ កម្លាំងមាំមួន។
ពីខ្ញុំ ពុទ្ធី មិត្តរួមថ្នាក់ជាមួយអ្នក!
ប៉ុន្មានថ្ងៃមុន បងពុទ្ធីសួរខ្ញុំថា “Message លាក់ស្នេហ៍ហ្នឹង យើងនិពន្ធឬមិនមែន?” គាត់ប្រាប់ថាគាត់ចូលចិត្តរឿងនេះ ហើយពិសេសនោះគឺរឿង “បេះដូងរាបស្មើ” របស់បងចាន់ផល។ ស្រាប់តែព្រឹកនេះ គាត់បានឱ្យសំបុត្រនេះមកខ្ញុំដោយប្រាប់ថា “ទៅដល់ផ្ទះចាំបើកមើល!” ខ្ញុំទទួលដោយមិនរួញរាព្រោះគាត់ជាស្រី មិនចាំបាច់ខ្លាច “សំបុត្រលាក់ស្នេហ៍” អីទេ! 
បើគិតៗទៅ មនុស្សយើងមើលត្រឹមរូបរាងខាងក្រៅមិនបានទេ។ បងពុទ្ធីលេងច្រើន តែនៅតែមានពេលមិនសប្បាយចិត្ត! ជីវិតគឺអ៊ីចឹងណ៎?
ឃើញទេនរណាកចូលចិត្តរឿងMessage លាក់ស្នេហ៍ដែរ។សូមសរសេរសៀវភៅបនែ្ខមទៀតមក។ចូលចិត្តអាន
កំណត់ហេតុស្នេហ៌ … រង់ចាំអាន …ប៉ុន្តែ អង្កាល់ទៅ ? កំណត់ហេតុស្នេហ៍ សំរាប់ប៉ុន្មានឆ្នាំ? បើកំណត់ហេតុស្នេហ៍ សំរាប់មួយជីវិត របស់អ្នកនិពន្ធ កាលនៅក្មេងដល់ចាស់ ទៅជាយាយ ទៅជាតា ទើបចប់, ចឹងច្បាស់ជា អ្នកអានត្រូវរង់ចាំ ទំរាំអ្នកនិពន្ធ អាយុ ៨០ ឆ្នាំ ទើបអ្នកអាន អាចអានបាន កំណត់ហេតុស្នេហ៍។
បើដូច្នោះ សូមកក់ កំណត់ហេតុស្នេហ៍ ទុកអោយ ចៅខ្ញុំផង។ ខ្ញុំនឹងសុំមិត្តស្រីខ្ញុំ ការមុនចូលឆ្នាំខ្មែរហើយ ដើម្បីអោយមានកូន រួចមានចៅ សំរាប់អាន កំណត់ហេតុស្នេហ៍ មួយជីវិត របស់អ្នកនិពន្ធ។ ហា ហា
“ មេសេកលាក់ស្នេហ៍ ពោរពេញដោយភាពរីករាយ និងស្នាមញញឹម”
ស្នើបងធំហើយ បោះពុម្ភលើកទី២ នឹងសម្រួលសាថ្មី ហើយក្របនឹងប្ដូរបែបក្លាស៊ិកវិញ ។
បងក៏ចូលចិត្តរឿងនេះដែរ តែមិនពេញចិត្តត្រង់បច្ចេកទេសបន្តិចបន្តួច
សិទ្ធិ ៖ កុំច្រឡំណា៎ “ កំណត់ហេតុស្នេហ៍” ជាឈ្មោះរបស់សៀវភៅទេ…
យី! អត់ដែលបានអានសោះ ។ ឥឡូវដូចឃ្លាតឆ្ងាយពីសៀវភៅរឿងសម្បើមណាស់ ។
រឿងរបស់បងរចនាគឺល្អមើលតែងអ្នកអានឆាប់ទាញដឹងនិងយល់ពីអត្តន័យយា់ងរហ័សព្រោះថាតួអង្កតិចពេកហើយកព្រោះតែវាជារឿងខា្នតខ្លី។បើបងរចនាសរសេររឿងនេះជារឿងមួយក្បាលចប់ណាស់ប្រាកដនឹងមានតួអង្គច្រើនហើញពិតជាពិបាកនឹងទាញដឹងជាមិនខាតរួមទាំងនឹងល្អមើលទៀតផង។
បងរដ្ឋ៖
Message លាក់ស្នេហ៍ ធ្វើឱ្យគ្រប់គ្នាញញឹម! ខ្ញុំហ៊ាននិយាយថាបែបនេះ! សូម្បីតែពេលខ្ញុំសរសេរក៏លួចញញឹមដែរ! អរគុណបងរដ្ឋ! អរគុណបងវី! រឿងនេះខ្ញុំនឹកឃើញសរសេរក្រោយថ្ងៃ Birthday បងរដ្ឋហ្នឹងហើយ! ហើយក៏អរគុណបងចិត្រា សម្រាប់ message ដែលដាស់ខ្ញុំឱ្យក្រោកមើលរាហ៊ូចាប់ចន្ទ! ^^ មិនមែនរឿងរបស់អ្នកនិពន្ធទេ អាមួយហ្នឹង!
បងបឿន៖ http://rainna.webng.com/Pdf/message_lak_sneh.pdf
សំណាង៖ សុំសួរមួយបានទេ? កើតឆ្នាំម៉ានបានហៅខ្ញុំបងជាប់មាត់ចឹង? អរគុណហើយដែលគាំទ្រ! បើមានពេលប្រហែលជាអាចសរសេរបន្ថែមឱ្យទៅជាប្រលោមលោក… តែគិតថាទាល់តែយូរបន្តិចទៀត!
បងរចនាសំណាងខ្ងុំកើតឆាំ្ន1994។
អីយ៉ា! ពិតជាមានន័យមែន!
អស្ចារ្យ!
ពិតជាគំនិតផ្តួចផ្តើមដ៏ល្អមែន ខ្ញុំសូមកោតសរសើរ ព្រោះខ្ញុំក៏ចូលចិត្តការតែងនិពន្ធដែរ